Koronavırýspen aýyrǵan almatylyqtardyń 44 paıyzy indetti qoǵamdyq orynda juqtyrǵan
ALMATY. QazAqparat - Almaty qalasy epıdemıologııalyq jaǵdaıdy baǵalaý matrıtsasyna sáıkes qala shekteý sharalaryn baqylaýdy kúsheıtýdi kózdeıtin «sary aımaqta» qalyp otyr, dep habarlaıdy QazAqparat Qazaqstanda koronavırýstyń taralýyna jol bermeý jónindegi VAK-tyń Telegram paraqshasyna silteme jasap.
Sońǵy táýlikte KVI-diń 135 jaǵdaıy tirkeldi. Almaty qalasynda syrqattanýshylyqtyń ósýi qazan aıynda bastalǵan, KVI jaǵdaılaryn tirkelýi 3 aıda 14 esege ulǵaıdy: qyrkúıek aıynda - 165 jaǵdaı, qazan aıynda – 366 jaǵdaı (2,2 ese), qarasha aıynda– 1399 jaǵdaı (3,8 ese); jeltoqsan – 2 256 jaǵdaı (1,6 ese ósti). Qańtar aıynyń 6 kúninde KVI-diń 600-den astam jaǵdaıy tirkeldi.
Sońǵy 14 kúnde indetti juqtyrǵandar arasynda 20-39 jas aralyǵyndaǵy azamattar 35%, 40-59 jas aralyǵynda 33% quraǵan, bul shekteý sharalaryn buzýmen jáne betperde rejımin saqtamaýǵa baılanysty oryn alǵan.
COVID-19 syrqattanǵandardyń 44%-y indetti qoǵamdyq oryndarda (saýda jáne qoǵamdyq tamaqtandyrý obektileri, bazarlar) juqtyrǵan, al 28% otbasy múshelerinen juqtyrǵan. Sońǵy aptada otbasy múshelerinen juqtyrý jaǵdaılarynyń úles salmaǵy 7,1% - ǵa tómendegen.
