Koronavırýspen aýyrǵan adam nelikten 3 aıdan keıin vaktsına alýy kerek

NUR-SULTAN. QazAqparat - QR DSM qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Aınagúl Qýatbaeva KVI-men aýyrǵan adamǵa úsh aıdan soń vaktsına salý týraly sheshim qalaı qabyldanǵanyn túsindirdi.

Bul jaıynda qalalyq ákimdiktiń resmı saıtyna silteme jasap QazAqparat habarlaıdy.

«Elordanyń bas memlekettik sanıtar dárigeriniń qaýlysyna sáıkes aýyryp jazylǵan adamdy úsh aıdan keıin vaktsınalaý usynylyp otyr. Mundaı sheshim ınfektsııadan keıin 3-6 aı aralyǵynda qaıta juqtyrý jaǵdaılarynyń jıi tirkelýine baılanysty týyndady», — dedi Aınagúl Qýatbaeva.

Onyń aıtýynsha, koronavırýspen aýyrǵan azamattardy vaktsınatsııalaý onsyzda álsiregen aǵzanyń qaıta juqtyrmaýy úshin mańyzdy.

Infektsııany qaıta juqtyrý ádette úlken qıyndyqtarǵa ákeledi.