Koronavırýspen aýyrǵan 14,3 myń patsıent statsıonarda jatyr

NUR-SULTAN. QazAqparat – Qazaqstanda koronavırýs ınfektsııasyna shaldyqqandar týraly 15 qyrkúıektegi aqparat jarııalandy, dep habarlaıdy QazAqparat Densaýlyq saqtaý mınıstrligine silteme jasap.

«15 qyrkúıektegi málimet boıynsha 75 685 adam koronavırýs ınfektsııasynan (67 269 KVI+ jáne 8 416 KVI-) emdelýde, olardyń ishinde 14 335 patsıent statsıonarda jatyr, 61 350 naýqas ambýlatorııada em qabyldap júr», delingen habarlamada.

KVI+, KVI- shaldyqqandardyń arasynda - 1 136 adamnyń jaǵdaıy aýyr, 350 patsıenttiń jaǵdaıy óte aýyr, 198 naýqas ÓJJ apparatynda jatyr.