Koronavırýspen aýyratyndarǵa dári-dármekterdi kóp berýdiń qajeti joq - dáriger

ALMATY. QazAqparat – Almatydaǵy №4 Qalalyq klınıkalyq aýrýhananyń №2 Juqpaly aýrýlar bóliminiń meńgerýshisi Sáýle Saýranbaeva koronavırýsty jeńý joldary týraly aıtty, dep habarlaıdy QazAqparat.

Dárigerdiń aıtýynsha, birinshiden, senim, medıtsına men halyqtyń ózara senimi, qoǵamdyq sana men vaktsınatsııa bolǵany durys.

«Men óz tájirıbemnen aıtaıyn: men de koronavırýspen aýyrdym, meniki ortasha aýyr deńgeıde ótti, ókpeniń zaqymdanýy 32% boldy. Men qazir bizde emdelip jatqandardyń qandaı jaǵdaıda ekenin jaqsy túsinemin. Biraq men jaman oıdan arylyp, kún saıyn tańerteń turyp, palatada júrýge óz-ózimdi májbúrledim. Múmkindik bar kezde júrińiz, az-azdan, 10 qadamnan bastańyz. Barlyq súıikti óleńder men ánderdi eske túsirip, aıtyńyz – bul tynys alý gımnastıkasy. Biraq, belsendi fızıkalyq jattyǵýlarǵa barmańyz» - dedi ol.

Dáriger bul jaǵdaıda adam aǵzasynyń barlyq músheleri saý, tek eń kishkentaı kapıllıarlardan bastap, úlken tamyrlarǵa deıingi ártúrli kalıbrlerdiń tamyrlary zardap shegetinin aıtty.

«Aýrýdyń ózine sabyrmen qarap, dáriger usynǵan, taǵaıyndaǵan aldyn-alý jáne emdeý sharalaryn júrgizgeni durys» - dedi dáriger.

Koronavırýspen aýyratyn naýqastarǵa dári-dármekterdi kóp berýdiń qajeti joq. Dári kóp bolsa tamyrlar zardap shegedi.

«Naýqastarǵa dári quıylmaıdy, olar «bos» jatyr degen pikir durys emes. Ár adam aýrýdyń aýyrlyq deńgeıine baılanysty dáriniń tıisti dozasyn alady», - dep naqtylady Sáýle Saýranbaeva.

Dýman Arǵyngeldi