Koronavırýspen aýyratyn adamdar mıkrotamyrly dısfýnktsııaǵa tap bolady

NUR-SULTAN. QazAqparat - Koronavırýstyń taralýyna jol bermeý jónindegi vedomstvoaralyq komıssııa álemdegi epıdemıologııalyq jaǵdaıǵa sholý jasady.

AQSh ǵalymdary zertteý barysynda koronavırýspen aýyrǵan adamdarda júrek pen qan tamyrlarynyń ishine enetin zaqymdalǵan endotelıı jasýshalary 2 ese kóp ekenin baıqady.

Ashylǵan jańalyq dárigerlerge COVID-19-dyń júrek-qan tamyrlary júıesine áserin baǵalaýǵa múmkindik berýi tıis.

Zertteýshiler koronavırýspen aýyrǵan jáne uzaqqa sozylǵan belgileri bar 393 naýqasta koronarlyq arterııalardyń mıkrotsırkýlıatorlyq arnasynyń jaǵdaıyn taldady.

Ǵalymdar pozıtrondy emıssııalyq tomografııany (PET) qoldanyp, koronarlyq arterııalardyń keńeıý qabiletiniń 20% tómendegenin anyqtady.

Osylaısha, COVID-19-ben aýyratyn adamdar mıkrotamyrly dısfýnktsııaǵa tap bolady.

Bolashaqta ǵalymdar osy aýrýdyń aıasynda mıkrotamyrly dısfýnktsııanyń aýqymyn zertteýdi jalǵastyrady, dárigerler dıagnostıka men emdeý strategııasyn anyqtaýǵa májbúr bolady.

Reseıde koronavırýspen aýyrǵan adamdar qatty sharshap, basy aýyrady, dám men ıis sezý buzylady, qatty entigedi jáne patsıentterdiń shamamen 5% uzaq jótelge tap bolatyny baıqalǵan.

«Sizdiń jaǵdaıyńyzdy jeńildetýdiń tıimdi jáne qaýipsiz ádisteriniń biri - kóp suıyqtyq ishý. Sý, shaı, mors tez qalpyna kelýge kómektesedi, biraq jóteldi basý jáne jótelmeýge tyrysý jaqsy oı emes», — dedi reseılik dáriger.

Eger jótel ómir súrý sapasyn edáýir tómendetse, sonymen qatar ol údegen jáne densaýlyq nasharlaǵan jaǵdaı týyndasa, maman dárigerge júginýdi usynady.