Koronavırýske qarsy vaktsınalaý bızneske shekteýsiz jumys isteýge múmkindik beredi

ALMATY. QazAqparat - Megapolıs ekonomıkasyn qalpyna keltirý úshin jappaı vaktsınatsııa qajet. Bul týraly Almaty qalalyq kásipkerlik jáne ınvestıtsııalar basqarmasynyń basshysy Erkebulan Orazalın onlaın brıfıng barysynda aıtty, dep habarlaıdy QazAqparat tilshisi.

«Jappaı vaktsınatsııanyń arqasynda Almatynyń bıznes qaýymdastyǵy qatań shekteýlersiz jumys isteý múmkindigine ıe bolady», - deıdi Erkebulan Orazalın.

Onyń aıtýynsha, jergilikti bıznes qaýymdastyq densaýlyq saqtaý júıesine qoldaý kórsetip, kóptegen saýda úıleriniń, saýda, oıyn-saýyq ortalyqtary men bazarlardyń bazasynda egý pýnktterin ashty.

Osylaısha, bıznes jappaı vaktsınatsııalaý arqyly ujymdyq ımmýnıtetti qalyptastyrýǵa óz septigin tıgizýde.

Sóz arasynda, basqarma basshysy jergilikti atqarýshy organdar atynan kásipkerlerdi vaktsına alyp jatqandardy syılyqtarmen qoldaǵany úshin alǵys bildirdi.

«Mundaı tájirıbe búkil álemde qoldanylady. Kórshiles Reseıde bastapqy aılarda jappaı vaktsınalaý belsendi júrmegen, sondyqtan onda yntalandyrý úshin qosymsha sharalardy qoldana bastaǵan. Men bizdiń halqymyz egý pýnktterine utys oıyndaryna qatysý nemese syılyq alý úshin keledi dep oılamaımyn. Bul adamdar vaktsınatsııa protsesin qoldaıdy jáne eldegi ujymdyq ımmýnıtetti jaqyndatady. Sondyqtan olardy yntalandyrý durys sheshim», - dedi ol.

Sonymen qatar, ol saýda jáne qoǵamdyq tamaqtaný salasyndaǵy kásipkerler óz ujymdaryn klıentterdi qaýipsizdendirý úshin vaktsınatsııalaýǵa tyrysatynyn jetkizdi.

«Jalpy, jappaı vaktsınatsııa men ujymdyq ımmýnıtetti qalyptastyrý qala ekonomıkasyn qalpyna keltirip, shaǵyn jáne orta bıznes qyzmetin yntalandyrýǵa múmkindik beredi»,- deıdi spıker.