Koronavırýske qarsy ýytty dáriler qabyldaǵandar baqylaýda bolýy kerek - ınfektsıonıst dáriger

ALMATY. QazAqparat – Koronavırýsty emdeýge qoldanylatyn dárilik zattardyń birazy ýytty bolýy múmkin. Bul týraly Almatyda ótken onlaın brıfıng barysynda ınfektsıonıst-dáriger Tamara Ýtaǵanova málim etti, dep habarlaıdy QazAqparat tilshisi.

Brıfıng barysynda jýrnalıster spıkerden sheteldik basylymdarda koronavırýske qarsy qoldanylatyn keıbir dárilik zattardyń ýytty dep kórsetilgenin alǵa tartty. Al ondaı toksındi dárilerdiń keıbiri qazir Qazaqstanda da qoldanylady. Sondyqtan da, jýrnalıster tarapynan ondaı toksındi dárilerge nege ruqsat etilgeni suraldy.

«Biz qoldanyp júrgen paratsetamol da - toksındi preparat. Qazir berilip jatqan dáriler kóbine statsıonarda emdeýge arnalǵan. Bul dárilerdi qabyldaý kezinde dárigerdiń baqylaýynda bolý kerek. Kóp dáriler patsıentke aldyn ala túsindirilip, aıtylǵan soń onyń kelisimimen beriledi. Biz dáriniń paıdasy qaýpinen asyp túsken jaǵdaıda ǵana taǵaıyndaımyz. Qaýpi joǵary bolsa, berilmeıdi», - dedi Tamara Ýtaǵanova.