Koronavırýsqa shaldyqqan elordalyqtar týraly feık-aqparattyń avtory anyqtaldy
KÓKShETAÝ. QazAqparat – Aqmola oblysynyń polıtseıleri koronavırýs juqtyrǵan elordalyqtar týraly jalǵan aqparat taratqan áıeldi anyqtady, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvodan málim etkendeı, koronavırýs ınfektsııasyn juqtyrǵan Nur-Sultan qalasynyń turǵyndary Aqmola oblysynyń Aqkól qalasyna kóshirilgeni týraly feık-aqparattyń avtoryn anyqtaý boıynsha jedel sharalar qolǵa alyndy.
«Jedel-izdestirý sharasy barysynda feık-aqparattyń avtory, Aqkól qalasynyń turǵyny 1972 jyly týǵan áıel anyqtaldy. Ol óziniń týysynyń (áıel adam) aýdıojazbasyn taratqan. Osyǵan baılanysty QR QK-niń 274-baby boıynsha (jalǵan aqparat taratý) sotqa deıingi tergeý amaldary júrgizilýde», - dedi departamentten.
Aıta keteıik, WhatsApp messendjerinde taraǵan aýdıojazba 13 naýryz kúni áleýmettik jelige júrgizilgen monıtorıng barysynda anyqtaldy.
Osy ýaqytta Qazaqstanda koronavırýs ınfektsııasyn juqtyrýdyń 4 jaǵdaıy tirkeldi. Onyń biri Italııanyń Mılan qalasynan Nur-Sultanǵa ushyp kelgen azamattan anyqtaldy. Úsh adam Germanııadan Almatyǵa áýe qatynasymen kelgen. Barlyǵy aýrýhanaǵa jatqyzyldy.
