Koronavırýsqa shaldyqqan dárigerler sany belgili boldy

NUR-SULTAN. QazAqparat - Qazaqstanda 8 518 dáriger koronavırýske shaldyqqan. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Elimizde koronavırýs ınfektsııasy rastalǵan medıtsına qyzmetkreleriniń sany 8 518 adamdy quraıdy. Búgingi kúni dárigerlerdiń arasynda ókpe qabynýymen aýyrǵandar týraly málimet joq», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.

Sonymen qatar ol koronavırýspen kúreste ókpe qabynýyna shaldyqqan dárigerlerge birrettik áleýmettik tólem berilýi múmkin ekendigin de aıtty.

«Eger koronavırýstyq ókpe qabynýymen kúres barysynda aýyryp qalǵan medıtsına qyzmetkerleri tólemge ótinim beretin bolsa, onda biz olarǵa qoldaý kórsetemiz. Atalǵan medıtsınalyq qujattar jergilikti atqarýshy organdar deńgeıindegi komıssııaǵa jiberiletin bolady», - dedi Ajar Ǵınııat.