Koronavırýsqa shaldyqqan 700-ge jýyq naýqastyń jaǵdaıy aýyr
NUR-SULTAN. QazAqparat – Qazaqstanda koronavırýs ınfektsııasyna shaldyqqan 684 naýqastyń jaǵdaıy aýyr. QazAqparat bul týraly Koronavırýstyń taralýyna jol bermeý jónindegi vedomstvoaralyq komıssııa málimetine silteme jasap habarlaıdy.
12 qazandaǵy málimet boıynsha, el óńirlerinde 53 729 adam koronavırýs ınfektsııasynan (46 665 KVI+ jáne 7 064 KVI-) emdelýde, olardyń ishinde 9 550 patsıent statsıonarda, 44 179 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
- 684 adamnyń jaǵdaıy aýyr,
- 197 patsıenttiń jaǵdaıy óte aýyr,
- 128 naýqas ÓJJ apparatynda jatyr.
