Koronavırýsqa PTR synaǵyn qalaı tegin tapsyrýǵa bolady
«Qazaqstan Respýblıkasynyń kez kelgen azamaty koronavırýs ınfektsııasyn juqtyryp aldym dep kúdiktense, 103 telefonyna habarlasa alady. Nemese ózi tirkelgen emhanaǵa baryp, óz dárigerine qaýip týraly aıtsa, onyń PTR synaǵyn tegin tapsyrý múmkindigi bar», - dep jaýap berdi B. Qojahmetov Ortalyq kommýnıkatsııalar qyzmetinde tilshi suraǵyna.
Onyń aıtýynsha, Qazaqstanda 2 mln 600 myń PTR testileý júrgizilgen. Onyń ár 26-shysy koronavırýs ınfektsııasy bar degen nátıje kórsetken.
«Qazirgi ýaqytta respýblıka boıynsha kúnine 40 myń testileý jasaý múmkindigi bar. Jyl sońyna deıin onyń sany 64 myńǵa deıin artady», - dedi resmı ókil.
Aıta keteıik, 11 qyrkúıektegi málimet boıynsha elimizde COVID-19-ǵa shaldyqqandardyń jalpy sany 106 661-ge jetti. Onyń ishinde jazylyp shyǵý kórsetkishi 94,1 paıyzdy qurady nemese 100 409 adamǵa jetti.
Sońǵy bir táýlikte Shymkent qalasynda koronavırýs ınfektsııasynyń birde-bir oqıǵasy tirkelgen joq.
Qazaqstanda koronavırýstyń jańa tolqynyna daıyndyq qyzý júrip jatyr.
Sondaı-aq B.Qojahmetov demalys kúndergi karantındik shekteýler qandaı jaǵdaıda alynatynyn túsindirdi.