Koronavırýsqa kóbine ımmýnıteti tómen adamdar shaldyǵady – sarapshy
ALMATY. QazAqparat – Almaty qalalyq taýarlar men qyzmetterdiń sapasyn jáne qaýipsizdigin baqylaý departamentiniń basshysy Aızat Moldaqasymova jańa koronavırýsty kimder tez juqtyrýy múmkin ekenin aıtty, dep habarlaıdy QazAqparat tilshisi.
«Aýrýdyń negizgi belgileri: tynys alý joldarynyń qabynýy, qyzýdyń kóterilýi, jótel, demigý, deneniń aýyrýy, dıareıa. Atalǵan ınfektsııany kóbine uzaq ýaqyt tynys joldarynyń sozylmaly aýrýymen aýyrǵandar, ımmýnıteti tómen eresek adamdar juqtyry múmkin»,– deıdi Aızat Moldaqasymova.
Sonymen qatar, ol derttiń aldyn alý sharalary týraly da aıtty.
«Profılaktıkalyq sharalar qarapaıym: qol gıgıenasy, bólmeni jıi jeldetý. Eger sizde kataraldy qubylystar baıqalsa, onda úıden shyqpaı dárigerge júgingen durys»,– dep túsindirdi ol.
Aızat Moldaqasymova adamdar kóp jınalatyn oryndarǵa barmaýǵa keńes berdi.
Eske sala keteıik, biz buǵan deıin Qytaıdan Almatyǵa kelgender dárigerlerdiń jiti baqylaýynda ekenin jazǵan bolatynbyz.
Sondaı-aq, mamandar almatylyqtarǵa jappaı betperde satyp alýdyń qajeti joq ekenin eskertti.
