Koronavırýsqa qatysty jańartylǵan málimet 4 tsıfrǵa negizdeledi
NUR-SULTAN. QazAqparat - Koronavırýsqa qatysty jańartylǵan málimetter tórt tsıfrǵa negizdeledi. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.
«Eger birinshi kod boıynsha bári anyq bolsa, ekinshi jaǵdaıda koronavırýsqa birneshe belgiler boıynsha dıagnoz qoıý kerek, olar: epıdemıologııalyq jáne klınıkalyq belgiler. Epıdemıologııalyq belgiler - patsıent aýrý juqtyrǵan adamdarmen naqty baılanysta bolǵan kezde, klınıkalyq belgileri - dene qyzýy, qurǵaq jótel. Biz el boıynsha jınalǵan málimet 2 tamyzdan bastap kúndelikti usynyp otyramyz. Málimetter tórt tsıfrǵa negizdeledi. Birinshi kórsetkish - koronavırýs PTR synaǵymen rastalǵan patsıentter, ekinshisi - ólim jaǵdaılary, úshinshisi - PTR synamalarymen dáleldenbegen yqtımal aýyrǵan patsıentter, tórtinshisi - PTR synamalarymen dáleldenbegen biraq ólim nátıjeleri kórsetken jaǵdaılar», - deıdi ol.
Buǵan deıin, Baǵdat Qojahmetov jańartylǵan koronavırýs statıstıkasy 2 tamyzda jarııalanatynyn aıtty. Eske sala keteıik, QR Prezıdenti Qasym-Jomart Toqaev Úkimetke pandemııanyń statıstıkasyn birizdendirýdi mindettegen bolatyn. Keıin koronavırýs pen pnevmonııa statıstıkasy biriktiriletini anyqtaldy.Sonymen qatar, Elimizde COVID-19 boıynsha jańa statıstıka 1 tamyzdan bastap júrgiziletindigi aıtyldy.
Densaýlyq saqtaý mınıstri Alekseı Tsoı koronavırýs statıstıkasy jańasha qalaı júrgiziletinin túsindirdi.
