Koronavırýsqa qatysty jalǵan aqparat taratqan qostanaılyq ustaldy
QOSTANAI. QazAqparat – Áleýmettik jelide «halyqqa hımııalyq ý shashylyp jatqany» jóninde jalǵan aqparat taratqan áıel anyqtaldy, dep habarlaıdy QazAqparat.
Oblystyq polıtsııa departamentiniń baspasóz qyzmeti taratqan málimetke súıensek, 44 jastaǵy Qostanaı qalasynyń turǵyny Instagram jelisinde qaterli indettiń qaıdan shyqqanyn aıtyp, halyqqa hımııalyq ý shashylǵanyn jarııa etken.
«Áıel áleýmettik jelidegi paraqshasy arqyly jalǵan aqparat taratqan. Onyń vıdeojazbasy buqaralyq aqparat quraldary men áleýmettik jelilerge monıtorıng júrgizý barysynda tekserildi. Qazir oǵan qatysty QR QK 274-baby boıynsha sotqa deıingi tergeý amaldary júrip jatyr. Bul bap qasaqana jalǵan aqparat taratý qylmysy úshin jazaǵa tartýdy kózdeıdi», - dep habarlady polıtsııa departamentiniń baspasóz qyzmeti.
