Koronavırýsqa qatysty aýqymdy statıstıka mamyrda daıyn bolady - DSM

NUR-SULTAN. QazAqparat – Elimizdegi koronavırýs ınfektsııasyna qatysty jan-jaqty statıstıka mamyr aıynda daıyn bolady. Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Vedomstvolyq resmı statıstıkaǵa qatysty aıtar bolsaq, ol jyl saıynǵy tájirıbe. Sáýiraıynyń sońyna deıin bul jumys Ulttyq statıstıka bıýrosymen birge júrgiziledi. Osy jumystardyń nátıjesi boıynsha sáýirdiń sońyna deıin resmı esep qalyptasady. Statıstıka, ólim-jitim, barlyq top boıynsha resmı esepke qatystyjan-jaqty vedomstvolyq satıstıka mamyr aıynda qalyptastyrylady», - dedi Marat Shoranov Ortalyq kommýnıkatsııalar qyzmetinde ótken baspasóz máslıhaty barysynda.

Birinshi vıtse-mınıstrdiń dereginshe, Qazaqstanda koronavırýstyń oń nátıjesimen 270 myńnan astam, PTR teris nátıjesimen 51 myńnan astam naýqas tirkelgen. Epıdemıologııalyq ahýaldy baǵalaý matrıtsasyna sáıkes, Qazaqstan Respýblıkasy 14 kún boıy táýekeli joǵary, ıaǵnı, qyzyl aımaqta tur. Sonymen qatar táýekel joǵary aımaqqa elimizdiń 8 óńiri kiredi.