Koronavırýsqa qarsy vaktsınany saqtaý talaptary qandaı

NUR-SULTAN. QazAqparat – QR DSM Sanıtarııalyq-epıdemıologııalyq baqylaý komıtetiniń vaktsınaǵa kónetin ınfektsııalardy baqylaý basqarmasynyń basshysy Nurshaı Ázimbaeva koronavırýsqa qarsy vaktsına qandaı jaǵdaıda saqtalýy kerektigin túsindirdi, dep habarlaıdy QazAqparat tilshisi.

«Buǵan deıin aıtylǵandaı, vaktsınany saldyrý - árkimniń óz erkindegi sharýa. ıAǵnı, ekpe alý jóninde eshkim eshkimdi májbúrleı almaıdy. Vaktsına alatyn adam oǵan kelisetini jóninde jazbasha kelisimin beredi. Bas tartatyn adam da solaı jazbasha bas tarta alady. «QR Halyq densaýlyǵy jáne densaýlyq saqtaý júıesi týraly» kodeksiniń 77-baby 1-bóligine sáıkes, azamattardyń vaktsınadan bas tartýǵa quqyǵy bar. Vaktsınanyń keri áserin tizip shyǵý úshin ekpe alǵan azamattardan saýalnama alynady», - dedi Nurshaı Ázimbaeva.

Basqarma basshysy sonymen qatar koronavırýsqa qarsy vaktsınany jaramdy kúıinde saqtaý talaptaryn jarııalady.

«Vaktsına muztdatylǵan eritindi kúıinde -18 gradýstan tómen temperatýrada saqtalýy kerek. Vaktsınanyń jaramdylyq merzimi – 6 aı. Kópdozaly 3 mılıltırlik flakondy ashylǵannan keıin bólme temperatýrasynda 2 saǵat boıy saqtaýǵa bolady. Bul rette ashylǵan flakondy uzaq saqtaýǵa bolmaıtynyn eskertemiz. Sonymen birge vaktsına eritindisin qaıtadan muzdatyp, qatysýǵa bolmaıdy. Osy talaptarǵa saı bolmaǵan, qajetti temperatýrada saqtalmaǵan vaktsınany paıdalanýǵa tyıym salynady», - dedi ol.

Eske sala ketsek, buǵan deıin Nurshaı Ázimbaeva aqyly ekpe kabınetterinde KVI-ge qarsy vaktsına salynbaıtynyn eskertken edi.