Koronavırýsqa qarsy vaktsınalardy Qazaqstanda ýaqytsha memlekettik tirkeý qaǵıdalary ózgerdi

NUR-SULTAN. QazAqparat – «COVID-19 koronavırýsyna qarsy vaktsınalardy ýaqytsha memlekettik tirkeý qaǵıdalaryn bekitý týraly» Qazaqstan Respýblıkasy Úkimetiniń 2020 jylǵy 15 jeltoqsandaǵy qaýlysyna ózgeris engizildi, dep habarlaıdy QazAqparat primeminister.kz saıtyna silteme jasap.

Preparatty tirkeý úshin qajetti qujattar tizbesi qaýlyǵa Qosymshada berilgen.

* * *

Qazaqstan Respýblıkasy Úkimetiniń 2021 jylǵy 23 qyrkúıektegi №668 Qaýlysy

«COVID-19 koronavırýsyna qarsy vaktsınalardy ýaqytsha memlekettik tirkeý qaǵıdalaryn bekitý týraly» Qazaqstan Respýblıkasy Úkimetiniń 2020 jylǵy 15 jeltoqsandaǵy № 850 qaýlysyna ózgeris engizý týraly

Qazaqstan Respýblıkasynyń Úkimeti QAÝLY ETEDІ:

1. «COVID-19 koronavırýsyna qarsy vaktsınalardy ýaqytsha memlekettik tirkeý qaǵıdalaryn bekitý týraly» Qazaqstan Respýblıkasy Úkimetiniń 2020 jylǵy 15 jeltoqsandaǵy № 850 qaýlysyna mynadaı ózgeris engizilsin:

kórsetilgen qaýlymen bekitilgen COVID-19 koronavırýsyna qarsy vaktsınalardy ýaqytsha memlekettik tirkeý qaǵıdalarynda:

Qazaqstan Respýblıkasynyń óndirýshilerine vaktsınalardy ýaqytsha memlekettik tirkeý úshin usynylatyn qujattardyń tizbesi osy qaýlyǵa qosymshaǵa sáıkes jańa redaktsııada jazylsyn.

2. Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Premer-Mınıstri A. Mamın