Koronavırýsqa qarsy vaktsına Qazaqstannyń Ulttyq ekpe kúntizbesine engiziledi
«Júıeli esepke alý maqsatynda vaktsınatsııalaýdyń elektrondy pasporty ázirlendi. Vaktsınatsııa júrgizý týraly derekter mınıstrliktiń ortalyqtandyrylǵan aqparattyq júıesinde elektrondy formatta júrgiziledi», - dedi Densaýlyq saqtaý mınıstri Alekseı Tsoı Úkimet otyrysynda.
Onyń aıtýynsha patsıent jáne medıtsına qyzmetkeri aqparatty m-gov mobıldi qosymshasyndaǵy veb-qosymshaǵa engize alady. Júıe jahandyq aqparattyq júıelermen ıntegratsııalanýǵa qabiletti jáne vaktsınatsııa alǵan barlyq adamdarǵa talap etiletin jerde usyný úshin aqparat berýge jáne erkin qozǵalýǵa múmkindik beredi.
«Koronavırýs qarsy ekpeni Qazaqstannyń Ulttyq ekpe kúntizbesine engizilý týraly Úkimet qaýlysy ázirlendi. Vaktsına júrgizý boıynsha ádistemelik jospar ázirlenip, vaktsınatsııa júrgizýdiń jospary bekitildi», - dedi mınıstr.
Aıta keteıik, buǵan deıin mınıstr vaktsına 1 aqpannan bastap egiletinin jáne eń aldymen kimderge salynatynyn aıtqan bolatyn.