Koronavırýsqa qarsy vaktsına halal ma

NUR-SULTAN. QazAqparat – 1 aqpannan bastap qazaqstandyqtarǵa egilip jatqan koronavırýsqa qarsy vaktsına halal ma? Dál osy saýal búgin Ortalyq kommýnıkatsııalar qyzmetindegi baspasóz máslıhaty barysynda QR Densaýlyq saqtaý vıtse-mınıstrleri Ajar Ǵınııat pen Erlan Qııasovqa qoıyldy, dep habarlaıdy QazAqparat tilshisi.

«Vaktsınanyń halal áli halal emestigine qatysty jaıt medıtsınalyq máselege jatpaıdy. Kóptegen ıslam elderinde vaktsınatsııa protsedýrasyn ótkizý josparlanyp otyr. Vaktsınany ázirleý óte kúrdeli jaǵdaıda ótýine, atalǵan vaktsınanyń jedel qajettiligine baılanysty vaktsınanyń halal nemese halal emestigi týraly másele qaralmaıdy da. Óıtkeni, shaldyǵý men ólim-jitim joǵary bolyp tur. Biz, dárigerler, vaktsınanyń tıimdiligin ǵana talqylaı alamyz», - dedi vıtse-mınıstr Erlan Qııasov.

Al Ajar Ǵınııat vaktsınanyń adam adenovırýsy bazasynda ázirlengenin aıtady.

«Eger vaktsınanyń quramyna qatysty aıtyp otyrsańyz, onda vaktsına adamnyń adeneovırýsy bazasynda ázirlengen. Sondyqtan sizdi quramy qyzyqtyryp otyrsa, onda bul adamı vırýs», - dedi vıtse-mınıstr.