Koronavırýsqa qarsy vaktsına alǵandar úshin birqatar shekteýler alynyp tastaldy
NUR-SULTAN. QazAqparat - Qazaqstan Respýblıkasynyń Bas memlekettik sanıtarııalyq dárigeriniń Qaýlysyna sáıkes COVID-19 ınfektsııasyna qarsy ekpeniń tolyq kýrsynan ótken adamdar úshin birqatar shekteýler alynyp tastaldy.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.
Atap aıtqanda:
aýrýhanaǵa jatqyzýdyń kez kelgen túri úshin, uıymdasyp, ujymdarǵa barǵan kezde, vahtalyq qyzmetkerlerge, demalystan, issapardan keıin medıtsına qyzmetkerlerine, aýrýyna baılanysty jumys ornynda bolmaǵan kezde, medıtsınalyq joǵary oqý oryndary men kolledjderdiń stýdentterine jáne basqa adamdarǵa PTR test talap etilmeıdi.
COVID-19 rastalǵan adamdarmen baılanysta bolǵan jaǵdaıda oqshaýlanbaıdy, biraq olarǵa medıtsınalyq baqylaý qamtamasyz etiledi;
keńse uıymdarynyń qyzmetkerleri qashyqtan jumys isteý formatyna aýystyrylmaıdy.
Sonymen qatar shetelge saparǵa shyqqan kezde PTR anyqtamasy talap etilmeıdi.
1 shildeden bastap ekpeniń eki komponentin saldyrǵan adamdardyń statýsy «Ashyq» qosymshasynda «jasyl» tústi kórsetetin bolady.
