Koronavırýsqa qarsy ujym bolyp egilýdiń mańyzy zor – Lıana Tursynova
ORAL. QazAqparat – Koronavırýsqa qarsy ujym bolyp egilýdiń mańyzy zor. Bul týraly «Otaý-Alan» JShS dırektory Lıana Tursynova málim etti, dep habarlaıdy QazAqparat tilshisi.
Onyń aıtýynsha, qoǵamdyq tamaqtandyrý salasynda jumys istegendikten, halyqqa qyzmet kórsetýge týra keledi.
Sol sebepti indetti taratpaýdyń jaýapkershiligin sezine bilý qazirgideı kezeńde asa mańyzdy.
«Pandemııamen búkil álem bolyp kúresip jatqandyqtan, ujym bolyp egilý qajet-aq. Bul úshin buıryq kútýdiń keregi joq. Bizdiń mekemede 60 adam qyzmet etedi. Olardyń aldy mamyrda, sońy maýsymda koronavırýsqa qarsy túgeldeı egilip úlgerdi. Sondyqtan qoǵamdyq tamaqtandyrý salasynda qyzmet etetin barsha áriptesterimdi egilýge shaqyramyn. Óıtkeni bizdiń densaýlyǵymyz óz qolymyzda», dedi Lıana Tursynova.
Eske sala keteıik, budan buryn Batys Qazaqstanda sońǵy tórt kúnde 260-qa jýyq adam koronavırýs juqtyrǵanyn, 480-nen astam naýqastyń statsıonarda emdelip jatyrǵanyn jazǵan bolatynbyz.
