Koronavırýsqa qarsy qoldanyp jatqan dáriniń 48 paıyzy – otandyq ónim
NUR-SULTAN. QazAqparat – Elimizde koronavırýs qarsy qaldonylyp jatqan dári-dármektiń 48 paıyzy Qazaqstanda óndiriledi, dep habarlaıdy QazAqparat.
«SQ-Farmatsııa» JShS basqarma tóraǵasy Erhat Esqalıev ortalyq kommýnıkatsııalar qyzmetinde ótken brıfıngide osyndaı málimet berdi.
«Úkimet salany damytýdyń 2025 jylǵa deıingi keshendi josparyn iske asyryp jatyr. Búgingi tańda qazaqstandyq óndirýshiler Dúnıejúzilik densaýlyq saqtaý uıymynyń jikteýi boıynsha ómirlik mańyzdy dárilerge jatatyn bazalyq preparattardy shyǵarýdy jolǵa qoıdy. Mysaly, koronavırýsty emdeý hattamasyna kiretin dári-dármekterdiń 48%-y otandyq ónimder», - dedi biryńǵaı dıstrıbıýter basshysy.
Sonymen qatar, Erhat Esqalıev vaktsına egetin shprıtsterdi de biryńǵaı dıstrıbıýter jetkizetinin eske saldy.
«Biryńǵaı dıstrıbıýter vaktsınatsııa júrgizý úshin 19,8 mln shprıts satyp aldy. Onyń ishinde kompanııanyń qoımalaryna 11,4 mln shprıts jetkizildi», - dedi kompanııa basshysy.
