Koronavırýsqa qarsy qazaqstandyq vaktsına: Ekpe alǵandarda qandaı reaktsııa baıqaldy

NUR-SULTAN. QazAqparat – QazCovid-in qazaqstandyq vaktsınasyn birinshi kezeńde shamamen 2 mln doza kóleminde óndirý josparlanýda. Bul týraly búgin OKQ ótken baspasóz máslıhatynda Densaýlyq saqtaý birinshi vıtse-mınıstri Marat Shoranov málim etti, dep habarlaıdy QazAqparat tilshisi.

«Vaktsına ınaktıvırlengen vırýs pen zııansyz adıývantqa negizdelgen, bul tehnologııa ýaqytpen tekserilgen jáne A gepatıtine, menıngokokk ınfektsııasyna, tumaýǵa, ish súzegine, kene entsefalıtine jáne taǵy basqa da burynnan qoldanylyp kele jatqan vaktsınalardy óndirýde qoldanylady», - dedi Marat Shoranov.

QazCovid-in vaktsınasyn COVID-19-ǵa qarsy klınıkalyq zertteýdiń I jáne II fazalarynyń nátıjesi onyń qaýipsiz ekenin kórsetken. Birli-jarym jaǵdaılarda vaktsına engizilgen jerde qyzarý, azdap kúıdirý, shanshý áserleri baıqalǵan. Bul aǵzanyń ımmýndyq júıesiniń engizilgen vaktsınaǵa reaktsııasy. Atalmysh belgiler zertteý hattamasynda kútiletin qubylys retinde qarastyrylǵan.

Marat Shoranov SARS-CoV-2 vırýsyna qarsy vaktsınanyń joǵary ımmýnogendik belsendiligi baıqalǵanyn atap ótti.

Eske salsaq, ǵalymdar qazaqstandyq QazCovid-in vaktsınasyn ázirleý tehnologııasy týraly aıtyp berdi.