Koronavırýsqa qarsy ekpe alǵan Ázerbaıjan azamattaryna COVID-19 qujaty beriledi
Ázerbaıjan tarapyna satylatyn vaktsınalar partııasynyń quny 80 mln manat (shamamen 47 mln dollar) turady.
Úkimettiń sheshimine sáıkes, shyǵynnyń bir bóligi koronavırýsqa qarsy kúres qorynyń esebinen, al taǵy bir bóligi Qarjy mınıstrliginiń esebinen jabylady. Bastapqy kezeńde jalpy somanyń 50 paıyzy tólenedi.
Budan buryn Medıtsınalyq aýmaqtyq bólimshelerdi basqarý boıynsha birlestiginiń (TƏBİB) tóraǵasy Ramın Baıramly vaktsınatsııany satyp alǵannan keıin Ázerbaıjanda tıisti elektrondy júıe jumysyn bastaıtynyn málim etken edi.
TƏBİB basshysy azamattarǵa vaktsına eki qabyldaý boıynsha salynatynyn aıtqan bolatyn:
«Alǵashqy doza salynatyn adamdarǵa protsedýrany qaıtalaý qajettigi eskertiledi. Elektrondy júıe e-təbib baǵdarlamasyna negizdelgen. Ol shamamen daıyn. Sonymen qatar, biz árbir adam úshin shtrıhkody bar COVID-19 qujatyn ázirledik», - dedi TƏBİB basshysy.
Ázerbaıjannyń mınıstrler kabınetiniń janyndaǵy Jedel shtabtyń málimetine sáıkes, keıingi táýlikte elde 2 284 adamnyń koronavırýs juqtyrǵany anyqtalǵan. 4 392 naýqas jazylyp shyǵyp, 41 adam kóz jumǵan. Qazirgi ýaqytta elde koronavırýsty juqtyrǵandardyń sany 205 877 adamǵa jetti. Olardyń ishinde 147 199 adam saýyǵyp shyǵyp, 2294 adam qaıtys bolǵan. Mamandandyrylǵan aýrýhanalarda 56 384 myń adam em alyp jatyr.
Eske sala ketsek Ázerbaıjanda 14 jeltoqsannan 2021 jylǵy 18 qańtarǵa deıin qatańdatylǵan karantın rejımi engizilgen. Ol rejım azamattardyń qozǵalysyn, bólshektik saýda nysandar men qoǵamdyq tamaqtaný oryndarynyń jumysyn shekteıdi.
Aıta keterligi Qazaqstan da qazirgi ýaqytta «Spýtnık V» vaktsınasyn tirkeý máselesin qarap jatyr. Vaktsına 2020 jylǵy 24 jeltoqsannan bastap 2021 jylǵy 21 qańtarǵa deıin N.F. Gamaleıa atyndaǵy EMǴZI-da sapany baqylaý protsesinen ótedi. Tekserý sátti bolǵan jaǵdaıda 2021 jylǵy 26 qańtardan 11 aqpanǵa deıin preparatty Qazaqstan Respýblıkasynda tirkeý josparlanýda.
