Koronavırýsqa qarsy dárilik zattardyń 48 paıyzyn qazaqstandyq óndirýshiler shyǵarady
«Densaýlyq saqtaý mınıstrligi tarapynan farmatsevtıkalyq óndiristi damytý men qoldaý jáne ımportqa táýeldilikti tómendetý maqsatynda 10 jylǵa deıingi merzimde dárilik zattardy jetkizýge uzaqmerzimdi sharttardy bekitý arqyly otandyq taýar óndirýshilerdi qoldaý sharalary iske asyrylýda. Buǵan deıin osy merzim jeti jylǵa deıin bolǵan edi», - dep toqtaldy N. Asylbekov Ortalyq kommýnıkatsııalar qyzmetinde.
Onyń sózine qaraǵanda, 3600 dári-dármek pen medıtsınalyq ataýly zattardy jetkizýge 32 otandyq taýar óndirýshimen bekitilgen 63 uzaqmerzimdi shart bar. Jyl saıyn Biryńǵaı dıstrıbıýter satyp alýlarynda otandyq taýar óndirýshiler úlesi artyp keledi. Bul óz kezeginde jalpy kólemde aqshalaı mánde 30 paıyzdy qurap otyr. Al 2024 jylǵa qaraı onyń deńgeıin 80 paıyzǵa deıin arttyrý josparlanyp otyr.
«Qazirgi kezde Biryńǵaı dıstrıbıýter satyp alýlarynda otandyq óndirýshilerdiń qaptamadaǵy ónimi 70 paıyzdan artyq bolyp tur. Atap aıtqanda, COVID-19 indetinen emdeý úshin dárilik zattardyń 48 paıyzyn otandyq óndirýshiler óndirip jatyr», - dedi N. Asylbekov.