Koronavırýsqa qarsy ártúrli vaktsına saldyrýǵa bola ma
«Kez kelgen adam bir vaktsınany alǵan jaǵdaıda, sózsiz keleshekte onyń tıimdiligi bolady. Bul merzim aıaqtalǵan soń, adamdar basqa vaktsınany da ektire alady. Bul jaǵdaıda aǵzada eshqandaı asqyný bolmaıdy, eń bastysy, bir ýaqytta eki vaktsına saldyrýǵa bolmaıdy. Alaıda, is júzinde bul másele álemde zerttelmegen. Álem boıynsha adam birden eki vaktsınany alsa, aǵza qalaı jaýap beredi degen zertteý júrgizilmegen. ıAǵnı, bul bizdiń quzyretimizde emes», - dep jaýap berdi QR Bilim jáne ǵylym vıtse-mınıstri Mıras Dáýlenov Ortalyq kommýnıkatsııalar qyzmetinde ótken baspasóz máslıhatynda.
«Ár túrli vaktsınalarmen eki ret ekpe alýǵa qatysty – is júzinde mundaı zertteýler bolǵan joq, bul suraqtardy ınfektsıonısterge, osy baǵytta ǵylymı zertteýler júrgizetin medıtsına qyzmetkerlerine jiberý kerek. Bizdiń salamyz – ázirlep shyǵarý. Usynymdar berý bizdiń quzyretimiz emes», - dep jaýap berdi QR BǴM bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarııa.
