Koronavırýsqa qarsy 400 mln doza vaktsına Italııa, Germanııa, Frantsııa jáne Nıderlandyǵa jetkiziledi

LONDON. QazAqparat - Italııa, Germanııa, Frantsııa jáne Nıderlandy brıtanııalyq dári shyǵaratyn AstraZeneca Plc kompanııasymen koronavırýsqa qarsy 400 mln doza ekpeni jetkizý jóninde kelisimshartqa otyrdy. Alǵashqy jetkizilim 2020 jyldyń sońyna deıin jasalady. Bul týraly QazAqparat The Independent basylymyna silteme jasap habarlaıdy.

Farmatsevtıkalyq kompanııa qazirgi ýaqytta synaqtan ótkizilip jatqan ekpeni Oksford ýnıversıteti daıyndaǵanyn málim etti.

AstraZeneca pandemııa kezinde ekpeni ústinen paıda kórmeı jetkizetinin atap ótti.

Ekpeniń alǵashqy partııasy osy jyldyń sońyna deıin kelýi tıis. Bul týraly senbi kúni Italııanyń densaýlyq saqtaý mınıstri Roberto Sperantsa Facebook paraqshasynda jazdy.

Kompanııa 2 mıllıard ekpe dozasyn óndirý boıynsha óz mindetin oryndaý úshin álemniń barlyq elimen kelisimshartqa otyrýǵa kelisti. Belgili bolǵandaı, eki kásiporyndy Bıll Geıts qoldaǵan, sondaı-aq AQSh úkimetimen 1,2 mıllıard dollarǵa kelisim jasalǵan.

Qazirgi ýaqytta Covid-19-ǵa qarsy bekitilgen ekpe nemese dári joq, biraq álemde birqatar synama júrgizilip jatyr.

Sáýirde Ulybrıtanııada Oksford ýnıversıtetiniń ekpesin erikti adamdarǵa synaqtan ótkizý bastaldy.

Synaqqa 18-55 jas aralyǵyndaǵy 1000 adam qatysty. Ótken aıda synaýǵa 10 000 erikti tartylyp, jańa kezeńi bastaldy.