Koronavırýsqa qarsy vaktsına jasaǵan ǵalymdar Nobel syılyǵyn aldy

Medıtsına men fızıologııa salasynda 2023 jylǵy Nobel syılyǵyna RNQ negizinde jańa vaktsına oılap tabýǵa múmkindik bergen jańalyǵy úshin Katalın Karıko (Majarstan) men Drıý Vaısman (AQSh) laıyq dep tanyldy. QazAqparat bul týraly VVS jańalyqtaryna silteme jasap habarlaıdy. 

Koronavırýs pandemııasy bastalǵaly RNQ vaktsınalary mıllıondaǵan adamnyń ómirin aman saqtap qalýǵa kómektesti.

«Álem qorqynyshty Covid-19 epıdemııasyn bastan ótkerip, basqa da epıdemııalar qaýpi tónip turǵan kezde olardyń jumysynyń qundylyǵyna baǵa jetpeıtinin moıyndadyq» dep túsindirdi sheshimin Nobel syılyǵy komıteti.

Byltyr bul marapatty qyrylyp bitken adamdardyń genomy men adam evolıýtsııasyn zerttegeni úshin shved genetıgi Svante Paabo ıelengen bolatyn.

1901 jyldan beri fızıologııa men medıtsına boıynsha 112 Nobel syılyǵy tabystalyp, 224 adam laýreat atandy.

Nobel syılyǵy qorynyń jarǵysy boıynsha, marapatqa laıyq dep tanylǵan jumystyń eki nemese úsh avtory bolsa — syılyq ekeýine ortaq taǵaıyndalady.

2022 jylǵa arnalǵan Nobel syılyǵy qory — 10 mln shved krony (shamamen 900 myń dollar).