Koronavırýsqa baılanysty jarııalanǵan jahandyq tótenshe jaǵdaı rejımi alynbaıdy
BRıÝSSELЬ. QazAqparat – Dúnıejúzilik densaýlyq saqtaý uıymy koronavırýsqa baılanysty jarııalanǵan tótenshe jaǵdaı rejımin alyp tastamaıdy. Bul týraly juma kúngi brıfıngte uıymnyń bas dırektory Tedros Adhanom Gebreıesýs aıtty, dep habarlaıdy QazAqparat.
«Men osydan úsh aı buryn tótenshe jaǵdaı jónindegi komıtettiń otyrysyn ótkizip, olardyń nusqaýyn aldym. Sodan keıin jahandyq tótenshe jaǵdaı rejımin jarııaladyq. Bul – DDSU úshin qaýiptiń eń joǵary deńgeıi», - dedi T. Gebreıesýs.
Beısenbide uıymnyń tótenshe jaǵdaı jónindegi komıteti qaıta jınalyp, pandemııanyń damý barysyna baǵa berdi.
«Árıne, ázirge pandemııa densaýlyq saqtaý salasyndaǵy halyqaralyq mańyzy zor tótenshe jaǵdaı bolyp qala beredi», - dep atap ótti Tedros Adhanom Gebreıesýs.
Onyń aıtýynsha, halyqaralyq medıtsına-sanıtarlyq erejelerge sáıkes, tótenshe jaǵdaı komıtetiniń otyrysy 90 kúnnen keıin nemese qajet bolǵan jaǵdaıda odan erterek qaıta ótýi múmkin.
