Koronavırýsqa baılanysty talaptardy 2021 jyldyń kúzine deıin saqtaý kerek – belgııalyq sarapshy

BRıÝSSELЬ. QazAqparat – Belgııalyq ýnıversıtet sarapshysy Leven Korınn Vandermelenniń aıtýynsha, 2021 jyldyń kúzine deıin koronavırýsqa baılanysty túrli saqtyq sharalaryn saqtaýǵa týra keledi, dep habarlaıdy QazAqparat tilshisi.

Ýnıversıtettiń Vaktsınologııa ortalyǵynyń basshysy Leven Korınn Vandermelenniń oıynsha, 2021 jyldyń kúzine deıin koronavırýsqa qarsy sharalardy baqylaýda ústaýǵa týra keledi.

«Eń aldymen biz túrli vaktsınalarǵa jasalǵan test nátıjelerin kútýge tıispiz. Sodan keıin osy vaktsınalar jetkizilip, sońynda vaktsınatsııa baǵdarlamasy qoldanylady. Protsestiń naqty ýaqytyn boljaýǵa áli erte», - dep atap ótti sarapshy.

«2021 jyldyń kúzine deıin qoldy jýyp, qashyqtyqty saqtap, maska taǵýǵa týra keledi», - dep sanaıdy Belgııalyq ýnıversıtettiń Vaktsınologııa ortalyǵynyń basshysy Leven Korınn Vandermelen.

2021 jylǵy naýryzda Belgııada Oksford vaktsınasynyń 1,5 mln dozasy qoljetimdi bolmaq.

«Medıtsına qyzmetkerlerine, 65 jastan asqan jáne sozylmaly aýrýlary bar adamdarǵa vaktsınany taratýda basymdyq beriledi, biraq bul vaktsınanyń klınıkalyq synaq nátıjelerine baılanysty bolady», - dep boljaıdy sarapshy.