Koronavırýsqa baılanysty sýıtsıd: Vıdeo avtory ustalyp, halyqtan keshirim surady
NUR-SULTAN. QazAqparat – «Koronavırýsty juqtyrǵanyna» baılanysty óz-ózine qol salatynyn aıtyp, vıdeo taratqan er adam ustaldy. Ol jalǵan málimet taratqany úshin halyqtan keshirim surady, dep habarlaıdy QazAqparat tilshisi.
Internetke monıtorıng júrgizgen polıtsııa qyzmetkerleri vıdeo taratqan adamdy taýyp, jaýap alǵan. Ol – Almaty qalasynyń turǵyny bolyp shyqty.
«Men keshe koonavırýsty juqtyrǵanyma baılanysty óz-ózimen qol salyp jatqan vıdeony jarııaladym. Atalǵan vıdeo ázil sıpatyna ıe. Óz dostarymnyń ortasyna ǵana arnalǵan vıdeo edi. Áleýmettik jelige qalaı tarap ketkenin bilmeımin. Vıdeoda bolǵan sózdiń bári – qaljyń. Qazaqstan halqynan keshirim suraımyn. Aqymaqtyq jasaǵanymdy moıyndaımyn», - deıdi Іshki ister mınıstrliginiń resmı saıtynda jarııalanǵan vıdeoda.
