Koronavırýsqa baılanysty Mekke men Medınedegi qasıetti oryndar jabyldy

ER-RIıAD. AL ARABIYA-QazAqparat – 20 naýryzdan bastap Saýd Arabııasy Koroldiktiń koronavırýsty toqtatý sharalary aıasynda Mekke men Medınedegi meshitterdi jaýyp jatyr. Bul týraly búgin Úlken meshit pen Paıǵambat meshiti isi jónindegi bas basqarmanyń ókili málim etti, dep habarlaıdy QazAqparat Al Arabiya portalyna silteme jasap.

«Koronavırýstyń taralýynyń aldyn alý jáne eskertý sharalary aıasynda Qaýipsizdik jáne densaýlyq saqtaý qyzmeti 20 naýryzdan bastap Mekkedegi Úlken meshit pen Medınedegi Paıǵambar meshitine barýǵa tyıym saldy jáne syrtqy saraıynda namaz oqýdy toqtatý týraly sheshim qabyldady», - dep habarlady baspasóz qyzmetiniń ókili Twitter-degi málimdemesinde.

Densaýlyq saqtaý mınıstrliginiń málimetinshe, 19 naýryzdaǵy jaǵdaı boıynsha Saýd Arabııasynda 274 adam koronavırýs juqtyrǵan.

Beısenbi kúni keshkisin Korol Salman ıbn Abdýl-Azız telearna arqyly málimdeme jasap, koronavırýsqa qarsy kúreste úkimettiń barlyq sharalardy qabyldap jatqanyn jáne eldegi ár turǵyn men azamatty dári-dármekpen, azyq-túlikpen jáne kerek zattarmen qamtamasyz etý úshin bar kúshin salyp jatqanyn aıtty.