Koronavırýsqa baılanysty Haınandaǵy týrıster tekseriledi
BEIJІŃ. QazAqparat –Koronavırýs qozdyrǵyshynyń tez taralyp jatqanyna baılanysty Uıǵyr avtonomdy aýdany men Haınan provıntsııasynda qaýipsizdik sharalary kúsheıtildi, dep habarlaıdy QazAqparat tilshisi.
Haınan ońtústik qytaı týrıstik provıntsııasynyń astanasy Haıkoý bıligi koronavırýs oshaǵy - Hýbeı provıntsııasynan kelgen týrısterdi 14 kúndik ortalyqtandyrylǵan medıtsınalyq tekseristen ótkizý sharalary bastalǵanyn habarlady.
Olarǵa medıtsınalyq tekseris bolatyn kezde qonaq úıden ketýge tyıym salyndy. Shara, búgin, Beıjiń ýaqytymen 12-de bastaldy.
25 qańtardaǵy jaǵdaı boıynsha, aralda jańa koronavırýs juqtyrǵan 17 adam tirkeldi. Jańa ınfektsııaǵa baılanysty Shyńjańda joǵary dárejeli tótenshe jaǵdaı jumystary búgin tańerteń bastaldy.
Sońǵy málimetter boıynsha, Qytaıda jańa koronavırýs qozdyrǵan pnevmonııa túrin juqtyrǵandar sany 1326-ǵa jetip, 41-i ólimmen aıaqtaldy.
Qytaıda taraǵan pnevmonııa Taıland, Eýropa elderi men AQSh-ta tirkeldi. Qazaqstan saqtyq sharasy retinde koronavırýsty anyqtaıtyn praımerlerdi satyp alýdy bastady. QR Densaýlyq saqtaý mınıstrligi elimizde koronavırýstyq ınfektsııa tirkelmegenin resmı aıtty.