Koronavırýs juqtyrý táýekeli bar adamdardy oqshaýlaýdyń jańa tártibi anyqtaldy
COVID-19-dy juqtyrý táýekeli joǵary bolǵan adamdar úshin oqshaýlaý tártibi
COVID-19-dy juqtyrý táýekeli joǵary bolǵan adamdar táýekel dárejesine baılanysty jaqyn jáne yqtımal baılanys bolyp bólinedi. COVID-19 rastalǵan jaǵdaıynyń jaqyn baılanysy:
– COVID-19 jaǵdaıymen bir turǵyn úıde birge turatyn adam;
– COVID-19 naýqasymen nemese COVID-19 jaǵdaıynyń ınfektsııalyq bólindilerimen qorǵalmaǵan tikeleı baılanysta bolǵan adam (mysaly, jótelý, qol alysý kezinde jáne t.b.);
– COVID-19 jaǵdaıymen 1,5 metrden kem qashyqtyqta 15 mınýttan jáne odan artyq ýaqyt jabyq úı-jaıda birge bolǵan adam (mysaly, synyp, keńes ótkizýge arnalǵan bólme, aýrýhanadaǵy kútý bólmesi jáne t.b.);
– COVID-19 naýqasyna tikeleı kútimdi qamtamasyz etetin medıtsına qyzmetkeri nemese basqa da adam nemese usynylǵan JQQ-syz ne JQQ-ny qoldanýdy buzý múmkindigimen COVID-19 naýqasynyń bıoúlgilerimen jumys istegen zerthana mamandary;
– ushaqta, qalaaralyq qatynastaǵy avtobýsta, poezda, COVID-19 naýqasynan kez kelgen baǵytta eki oryndyq qashyqtyqta bolǵan baılanysta bolǵan adam, sondaı-aq COVID-19 naýqasy ushqan ushaqtyń sektsııasyna qyzmet kórsetken ekıpaj músheleri retinde aıqyndalady.
Epıdemıologııalyq baılanystyń bolýy aýrý bastalǵanǵa deıin 14 kún ishinde qaralady.
Yqtımal baılanys:
– ushaqta, poezda, avtobýsta COVID-19-ben aýyratyn naýqaspen birge bolǵan, biraq onymen jaqyn baılanysta bolmaǵan adam;
– COVID-19 jaǵdaıymen 1,5 metrden kem qashyqtyqta 15 mınýttan jáne odan artyq ýaqyt jabyq úı-jaıda JQQ (qorǵanysh maskasynsyz) paıdalanbaı birge bolǵan adam (mysaly, synypta, keńes ótkizýge arnalǵan bólmede, aýrýhanadaǵy kútý bólmesinde jáne t.b.).
Shet elden avıareıspen kelgen barlyq adamdar osy qaýlynyń 1-tarmaǵyna sáıkes COVID-19-ǵa zerthanalyq tekserý júrgizý úshin karantındik statsıonarda 2 táýlikke oqshaýlaýǵa jatady. SOVID-19-ǵa zerthanalyq tekserý nátıjelerin alǵannan keıin oń nátıjesi bar adamdar emdeýge arnalǵan ınfektsııalyq statsıonarǵa aýystyrylady, SOVID-19-ǵa teris nátıjesi bar adamdarǵa tıisti qolhatty ala otyryp, COVID-19-dyń yqtımal sımptomdary týraly túsindirme júrgiziledi.
Qazaqstan Respýblıkasynyń Memlekettik shekarasyn kesip ótýdiń 5 kúninen keshiktirilmeı berilgen PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bergen, avıareıspen shet elden kelgen adamdarǵa tıisti qolhatty ala otyryp, COVID-19-dyń yqtımal sımptomdary týraly túsindirme júrgiziledi. Olar COVID-19-ǵa zerthanalyq tekserý júrgizý úshin 2 táýlikke deıin karantındik statsıonarda oqshaýlaýǵa jatpaıdy.
COVID-19 naýqastarymen baılanysta bolǵan (jaqyn baılanys) adamdar oqshaýlaýdyń 1-shi kúninde PTR ádisimen COVID-19-ǵa zerthanalyq tekserýge jatady.
SOVID-19-ǵa zerthanalyq tekserýdiń oń nátıjesi bolǵan kezde oqshaýlaýdyń 1-shi kúninde baılanysta bolǵan adam (jaqyn baılanys) jáne SOVID-19 (sımptomsyz vırýs tasymaldaýshylyq) klınıkalyq belgileri bolmaǵan kezde baılanysta bolǵan adamǵa klınıkalyq hattamaǵa sáıkes SOVID-19-dyń sımptomsyz nysandary bar adamdardy júrgizý taktıkasy qoldanylady.
Oqshaýlaýdyń 1-shi kúninde COVID-19-ǵa zerthanalyq tekserýdiń teris nátıjesi bolǵan kezde baılanysta bolǵan adam (jaqyn baılanys) osy qaýlyǵa 34-qosymshaǵa sáıkes jaǵdaılar bolǵan kezde úıde oqshaýlaýǵa (úı karantıni) jatady. Úıde oqshaýlaý úshin jaǵdaı bolmaǵan jaǵdaıda karantındik statsıonarǵa oqshaýlaý usynylady.
Sodan keıin oqshaýlaýdyń 7-shi kúninde PTR ádisimen COVID-19-ǵa qaıta zerthanalyq tekserý júrgiziledi.
Oqshaýlaýdyń 7-shi kúninde PTR-zertteýdiń qaıta teris nátıjesi bolǵan jaǵdaıda karantın jáne oqshaýlaý aıaqtalady. Oqshaýlaýdyń 7-shi kúninde PTR-zertteýdiń oń nátıjesi bolǵan jaǵdaıda oqshaýlanǵan jaqyn baılanysta bolǵan adamǵa qatysty taktıka sımptomsyz vırýs tasymaldaýshylyq kezindegige uqsas júrgiziledi.
Sımptomsyz vırýs tasymaldaýshylyq kezinde patsıent osy qaýlyǵa 34-qosymshaǵa sáıkes oqshaýlaý jaǵdaılary bolǵan kezde ambýlatorııalyq jaǵdaılarda medıtsınalyq baqylaýǵa jáne úıde oqshaýlaýǵa (úı karantıni) jatady. Bekitilgen algorıtmge sáıkes táýekel faktorlary bolǵan jáne úıde oqshaýlaý úshin jaǵdaılar bolmaǵan kezde emdeýge jatqyzý týraly sheshimdi MSAK mamany árbir jaǵdaıda Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq bólimshesiniń epıdemıologymen kelisim boıynsha jeke qabyldaıdy.
Oqshaýlaýdyń 10-shy kúninde sımptomsyz vırýs tasymaldaýshy PTR ádisimen COVID-19-ǵa qaıtadan zerthanalyq tekserýge jatady. COVID-19-ǵa PTR-zertteý nátıjesi teris bolǵan jaǵdaıda karantın aıaqtalady. Oqshaýlaýdyń 10-shy kúninde COVID-19-ǵa PTsR-zertteýdiń oń nátıjesi bolǵan jaǵdaıda karantın 14 kúndi qosa alǵanǵa deıin uzartylady, sodan keıin klınıkalyq belgiler bolmaǵan kezde karantın aıaqtalady. Karantın aıaqtalǵan kezde MSAK mamany sımptomsyz vırýs tasymaldaýshyǵa SOVID-19-dyń profılaktıka sharalaryn (medıtsınalyq maskany, antıseptıkterdi paıdalaný, qol gıgıenasy, áleýmettik qashyqtyq) saqtaý qajettiligi týraly usynymdar beredi.
COVID-19 naýqastarymen baılanysta bolǵan adamdar (yqtımal baılanys) anyqtalǵan kezde PTR ádisimen testileýge jatady. PTR ádisimen SOVID-19-ǵ zerthanalyq tekserýdiń teris nátıjesi bolǵan kezinde tıisti qolhatty ala otyryp, olarǵa COVID-19 yqtımal sımptomdary týraly túsindirme beriledi. COVID-19-ǵa PTR-zertteýdiń oń nátıjesi bolǵan jaǵdaıda yqtmal baılanysta bolǵan adamǵa qatysty taktıka sımptomsyz vırýs tasymaldaýshylyqqa uqsas júrgiziledi.