Koronavırýs juqtyrý kórsetkishi óse bastady
ASTANA. QazAqparat – Qazaqstanda koronavırýs juqtyrǵandar sany óse bastady, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap.
Mınıstrlik taratqan málimetterge qaraǵanda, ótken táýlikte koronavırýsty 51 adam juqtyryp, 2 adam atalǵan dertten aıyǵyp ketken.
Aıta keteıik, qarashanyń 2-si kúni qaýipti vırýsty 35 adam juqtyrsa, 3-i kúni 49 adam juqtyrǵan bolatyn.
4 qarashadaǵy málimet boıynsha, 735 adam koronavırýs ınfektsııasynan (–590+ jáne 145 KVI-) emdelip jatyr. Olardyń ishinde 79 patsıent statsıonarda, 656 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
• 4 adamnyń jaǵdaıy aýyr,
• 3 patsıenttiń jaǵdaıy óte aýyr,
• 1 naýqas jasandy tynys alý apparatynda jatyr.
Sondaı-aq 4 qarashadaǵy málimet boıynsha Qazaqstanda koronavırýsqa qarsy vaktsınanyń I komponentin 10 843 720 adam, II komponentin 10 606 256 adam saldyrǵan. Revaktsınatsııalanǵandar sany – 5 619 798.
