Koronavırýs juqtyrý boıynsha Almaty 5-orynda tur – bas dáriger
ALMATY. QazAqparat – Koronavırýs juqtyrý boıynsha Almaty qalasy 5-orynda tur. Bul týraly Almaty qalasy qoǵamdyq densaýlyq basqarmasynyń basshysy Narıman Tabynbaev onlaın brıfıng barysynda aıtty, dep habarlaıdy QazAqparat tilshisi.
«Pandemııa kezeńinde koronavırýstan qaıtys bolǵandardyń jalpy sany - 389 adam, ólim-jitim kórsetkishi 1 000 adamǵa shaqqanda 0,2% qurady. Óńirler bólinisinde Almaty Nur-Sultan qalasynan, Batys Qazaqstan, Shyǵys Qazaqstan jáne Qaraǵandy oblystarynan keıin 5-oryn alady. Qaıtys bolǵandardyń ortasha jasy — 65-80» , - deıdi Tabynbaev.
Sonymen qatar, ol jansaqtaý bólimi 50 paıyzǵa tolyp otyrǵanyn atap ótti.
«Biz 80 oryndy 110-ǵa jetkizdik. Aıta ketý kerek, ınfektsııalanǵan KVI arasynda kóptegen sozylmaly jáne ilespe aýrýy bar naýqastar sany aıtarlyqtaı ósti. Ár aýrý úshin 4-5 aýyr asqynǵan patologııalary bolady, olardyń órshýi ólimge ákelýi múmkin»,- deıdi ol.
Almatynyń bas dárigeri turǵyndardy sanıtarlyq talaptardy qatań saqtaýǵa shaqyrdy.
«Qala turǵyndarynan úıden sırek shyǵyp, adam kóp jınalatyn oryndarǵa barmaýdy, ózin-ózi emdemeýdi jáne alǵashqy belgileri bolǵan kezde bilikti medıtsınalyq kómekke júginýdi ótingim keledi», - dep atap ótti N.Tabynbaev.
