Koronavırýs juqtyrǵandarmen baılanysta bolǵan adamdardyń tizimi jasalýda
Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova aıtty.
«JRVI-men elordada statsıonarda jatqan áıeldiń otbasyndaǵy bir adam Germanııadan kelgen bolatyn. Baılanysqan adamdar retinde ony baqylaýǵa aldyq. 16 naýryz kúni áıeldiń boıynan klınıkalyq belgiler baıqalǵanda, birden aýrýhanaǵa jatqyzylyp, tekserildi. Búgin koronavırýstyq ınfektsııa anyqtaldy», - dedi basqarma basshysy Ortalyq kommýnıkatsııalar qyzmetindegi brıfıngte
Al Ońtústik Koreıa men Italııadan kelgen 4 qazaqstandyq ta 16 naýryzda reısten túsirilip, oqshaýlanǵan. Endi olarmen baılanysqan adamdardyń tizimi jasalýda.
«Qazirgi ýaqytta epıdemıologııalyq sharalar júrgizip jatyrmyz. ıAǵnı, naýqastarmen baılanysqan adamdardy anyqtaımyz. Keıinirek, baılanysta bolǵan adamdardyń sanyn, jasy men jynysyn tolyq habarlaımyz», - dedi S. Qısyqova.
Onyń aıtýynsha, 14 adamnyń beseýi qaladaǵy ınfektsııalyq bloktyń statsıonarynda jatqan. Qalǵan 9 adam da búgin aýrýhanaǵa jatqyzyldy.
«Olardyń barlyǵy – Qazaqstan Respýblıkasynyń azamattary. 5 adam elimizdiń ózge óńirleriniń turǵyndary, bir adam – Nur-Sultanda ýaqytsha turyp jatqan, qalǵany – elorda turǵyndary», - dedi S. Qısyqova.
Aıta keteıik, Nur-Sultanda koronavırýs boıynsha taǵy 14 jańa naýqas tirkeldi.
Buǵan deıin basqarma basshysy koronavırýs juqtyrǵan 14 jańa naýqastyń jaı-kúıi týraly aıtyp berdi.
Osylaısha, qaýipti indetpen aýyrǵandar sany 27-ge jetti. Onyń ishinde 16 jaǵdaı - Nur-Sultanda, 11 fakti - Almatyda tirkelgen.
Sondaı-aq, Qazaqstanda tótenshe jaǵdaı jarııalanyp, azamattardyń 15 sáýirge deıin el aýmaǵynan shyǵýyna tyıym salyndy.
QR Prezıdenti Qasym-Jomart Toqaev el halqyna úndeý joldady.
