Koronavırýs juqtyrǵandardyń aýrý belgileri 2 jylǵa deıin saqtalady – maman
«Jiti respıratorlyq vırýstyq ınfektsııasy – búgingi kúni eń keń taralyp otyrǵan juqpaly aýrýlardyń biri. Ony juqtyrmaýdyń aldyn alý týraly aıtqan kezde áleýmettik qashyqtyqty saqtaý, medıtsınalyq maska taǵý, qol gıgıenasyn saqtaý týraly jáne salaýatty ómir saltyn ustaný týraly aıtamyz. Koronavırýstan belsendi túrde qorǵanyp júrgenimizdikten, bıyl JRVI-diń epıdemıologııalyq maýsymynda tumaý vırýsynyń tsırkýlıatsııasy tómendedi. Bul – qoldanyp jatqan saqtyq sharalarynyń nátıjesi deýge bolady», - deıdi «Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵy» fılıaly dırektorynyń orynbasary Manar Smaǵul.
«Kardıologııa jáne ishki aýrýlar» ǴZI-diń ishki aýrýlar kafedrasynyń professory Sáýle Qasenova postkovıdti asqyný týraly málimet aıtty.
«Koronavırýspen aýyrǵandardyń 20%-ynda aýrý belgileri uzaq ýaqyt boıy saqtalyp qalady. Bul dertpen aýyryp, jazylyp ketkender bizden bul derttiń klınıkalyq belgileri qashan ketetini týraly suraıdy. Bizde naqty málimet joq, biraq Covid-19-ben aýyrǵandarda aýrý belgileri 2 aıdan 2 jylǵa deıin saqtalyp qalady. Mysaly, koronavırýspen aýyrǵan adam uzaq ýaqyt boıy jótelip júre berýi múmkin nemese demikpe paıda bolýy, álsizdik paıda bolýy múmkin. osynyń saldarynan adam buryn kúndelikti istep júrgen áreketterin isteı alýy qıyndaı túsýi múmkin. Koronavırýspen aýyrǵan adamdardyń keıbirinde únemi basy aýyryp, basy aınalyp júrse, endi biriniń júrek tusy, keýdesi aýyryp júrýi múmkin. tipti uıqyzy buzylyp, este saqtaý qabileti nasharlap ketetinderi de bar. Koronavırýstyń osyndaı saldary men ońaltý joldar bar ekenin bilýimiz kerek. DDSU-nyń bıyl 25 qańtarda shyqqan usynymy boıynsha, koronavırýspen aýyryp emdelgen adam óziniń dárigerimen telefon arqyly baılanysta bolyp turýy kerek», - deıdi ol.
