Koronavırýs juqtyrǵandardy tez anyqtaýǵa múmkindik beretin mobıldi qosymsha paıda boldy
ALMATY. QazAqparat – Qazaqstanda koronavırýsty baqylaý men juqtyrý jaǵdaıyn tez habarlaýǵa múmkindik beretin qosymsha oılap tabyldy, dep habarlaıdy QazAqparat tilshisi.
Bul qosymsha Qazaqstanda indettiń taralýyn baqylaýǵa múmkindik beredi.
Onlaın qosymsha Android pen iOS alańdarynda eki kúnnen soń qoljetimdi bolady.
Qazir vebsaıt úlgisi covid19live.kz ataýy boıynsha istep tur. Qosymsha arqyly:
- Qazaqstanda indettiń taralý kartasyn,
- saqtyq quraldary týraly aqparatty,
- aýrýhanalar mekenjaıy men operatıvti ortalyqtardyń mekenjaılary ornalasqan biryńǵaı tereze,
Sonymen qatar, qosymshanyń «Men juqtyrdym» fýnktsııasy arqyly naýqastyń barǵan jerlerin jáne onymen baılanysta bolǵan adamdardy, belgileı alady.
Eger adam sol reıspen ushqan bolsa «men baılanysta boldym» degen aqparat qaldyra alady.
Qosymsha avtorlary bul aqparattyń barlyǵy anonımdi bolyp qalady dep sendiredi.
