Koronavırýs juqtyrǵandar sanynyń ósýi: Aqtóbede jańa statsıonar ashylýy múmkin
AQTÓBE. QazAqparat – Aqtóbe qalasynda koronavırýs ınfektsııasyn juqtyrǵandar sany artty. Qazir kereýet sanyn kóbeıtý qarastyrylyp jatyr, dep habarlaıdy QazAqparat tilshisi.
Aqtóbe oblysynda bir táýlikte 55 adamnan koronavırýs ınfektsııasy anyqtaldy. Kóbi Aqtóbe qalasynan. Oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaevtyń aıtýynsha, 7-11 shilde aralyǵynda 510 adam aýyryp, em izdedi.
«Epıdahýal kúrdegi dep aıtsaq bolady. Ósim bar. Sondyqtan ımmýndaý sharasyna belsendi qatysýǵa shaqyramyz. Ári maska taǵý, antısektık qoldaný jáne araqashyqtyqty saqtaýdy umytpaımyz»,- dedi Muhtar Serbaev.
Aqtóbe oblysyndaǵy ınfektsııalyq statsıonarlarda qazir 244 adam em alyp jatyr. Onyń 24-i jansaqtaý bóliminde bolsa, bireý ókpeni jeldetý apparatyna qosyldy.
«Infektsııalyq kereýet júktemesi 56, jansaqtaý bólimindegi júkteme 40,5 paıyzdy qurap otyr. Japly oblystaǵy aýdandarda ósim baıqalmaıdy. Degenmen Aqtóbe qalasynda vırýs juqtyrǵandar sany artty. Júkteme artqan soń qosymsha ınfektsııalyq statsıonar ashýdy qarastyryp jatyrmyz. Turǵyndardyń ımmýnıtetin qalyptastyrý úshin qazir qosymsha vaktsına pýnktteri ashyldy. Olar iri bazarlar men saýda úıleri, gıpermarketterde ornalasqan, - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.
