Koronavırýs juqtyrǵandar sany azdap bolsa da ósip keledi

ASTANA. QazAqparat – Qazaqstanda koronavırýs juqtyrǵandar sany azdap bolsa da ósip keledi. Ótken táýlikte vırýsty 50 adam juqtyrdy. Al aldyńǵy kún olardyń sany 45 adam bolatyn, dep habarlaıdy QazAqparat.

QR Densaýlyq saqtaý mınstrliginiń 30 qazandaǵy málimeti boıynsha, osy ýaqytta elde 832 adam koronavırýs ınfektsııasynan (–684+ jáne 148 KVI-) em alyp jatyr.

Olardyń ishinde 77 patsıent statsıonarda, 755 naýqas ambýlatorııalyq deńgeıde em qabyldaýda.

KVI+, KVI- shaldyqqandardyń arasynda:

• 2 adamnyń jaǵdaıy aýyr,

• 4 patsıenttiń jaǵdaıy óte aýyr,

• 1 naýqas jasandy tynys alý apparatynda jatyr.

Sondaı-aq osy ýaqytta 10 842 875 adam koronavırýsqa qarsy vaktsınanyń I komponentin, 10 604 841 adam II komponentin saldyrdy. Revaktsınatsııalan,andar sany – 5 607 772.