Koronavırýs juqtyrǵan shymkenttik mingen avtobýstyń nómiri jarııalandy
NUR-SULTAN. QazAqparat – Koronavırýs juqtyrǵan shymkenttik jigitpen bir avtobýsta bolǵan jolaýshylar izdestirilip jatyr. Reıstiń qalaǵa qashan, qalaı kelgeni aıtylyp, kóliktiń nómiri jarııa etildi, dep habarlaıdy QazAqparat coronavirus2020.kz saıtyna silteme jasap.
«Nur-Sultan qalasynan Jetisaıǵa (Túrkistan oblysy) memlekettik nómiri «646 FNB 13» avtobýspen sapar shekken jolaýshylar koronavırýs ınfektsııasyna saraptama tapsyrý jáne odan ary karantınge ornalasý úshin turǵylyqty nemese tirkelgen jeri boıynsha 103 qyzmetine júginýi qajet«, - delingen shuǵyl taratylǵan aqparatta.
Saıt málimetinshe, avtobýs Nur-Sultan qalasynan 19 naýryz kúni saǵat 17-30-da jolǵa shyqqan. Shymkent qalasyna 21 naýryz kúni saǵat 23-30-da kelip, «Bekjan bazary« aıaldamasyna toqtaǵan. Al Jetisaı qalasyna 22 naýryz kúni tańerteń jetken.
Qazirgi sátte avtobýsta bolǵan 51 jolaýshynyń 41-i tabylyp, barlyǵy statsıonarlyq karantınge jatqyzyldy.
Vırýs juqtyrǵan shymkenttikpen avtobýsta birge kelgen 16 jolaýshy izdestirilip jatqanyn buǵan deıin habarlaǵan edik.
