Koronavırýs juqtyrǵan semeıliktiń jaǵdaıy jaqsaryp keledi
SEMEI. QazAqparat – 28 naýryzdan beri ekijaqty pnevmonııa dıagnozymen aýrýhanaǵa jatqyzylyp, ókpege jasandy tynys berý apparatyna qosylǵan 1959 jylǵy naýqastyń jaǵdaıy jaqsaryp, qazir ózdiginen dem alýda, dep habarlaıdy QazAqparat coronavirus2020.kz Telegram kanalyna silteme jasap.
Qazir naýqastyń jaǵdaıy turaqty aýyr dep baǵalanýda. Barlyq em-domdy tolyqqandy alýda.
Al naýqastyń 1959 jyly týǵan COVID-19 vırýsyna shaldyqqan áıeliniń jaǵdaıy qanaǵattanarlyq dep tanyldy.
Búginde aımaq boıynsha juqpaly indetke shaldyqqandar sany - 6 adam.
Esterińizge sala ketsek, osyǵan deıin Semeıde 2007 jyly týǵan taǵy bir oqýshyda koronavırýs anyqtalǵany habarlanǵan bolatyn.
