Koronavırýs juqtyrǵan pavlodarlyq pnevmonııa dıagnozymen túsken
NUR-SULTAN. QazAqparat – Óńirlerde koronavırýs juqtyrǵandar týraly sońǵy aqparat jarııalandy, dep habarlaıdy QazAqparat Jedel shtabqa silteme jasap.
Shymkent qalasynda vırýs juqtyrǵan 1966 jylǵy aıel men 1984 jylǵy er azamat ózderine deıin vırýsty juqtyrǵan adamdarmen qarym-qatynasta bolǵan, karantındik statsıonarǵa jatqyzylyp, zerthanalyq synama alynǵan.
Atyraý oblysyndaCOVID-19 vırýsyn juqtyrǵandardyń úsheýi 1993, 1987, 1973 jylǵy er adamdar, bireýi 1966 jylǵy áıel adam. Olar kornavırýs ınfektsııasyn juqtyrǵan adamdarmen baılanysta bolǵany úshin karantındik statsıonarǵa jatqyzylǵan. Olardan zerthanalyq synamalar alynyp, PTR dıagnostıkalyq zertteý nátıjeleri boıynsha COVID-19 dıagnozy qoıyldy.
Batys Qazaqstan oblysynda koronavırýs ınfektsııasy tabylǵan adamdardyń barlyǵy da Reseı Federatsııasynda vahta ádisimen jumys isteıtin azamattar. Olardyń 5-eýi Batys Qazaqstan oblysynyń, 2-eýi Túrkistan jáne Jambyl oblysynyń turǵyndary.
Pavlodar oblysyndaCOVID-19 Ekibastuz qalasynyń alty turǵynynan anyqtaldy, atap aıtqanda, 1960, 1962, 1966, 1977, 1987, 1988 jylǵy er adamdar.
Sondaı-aq, koronavırýs ınfektsııasy Pavlodar qalasynyń úsh turǵynynan tabyldy, olar 1970 jyly týylǵan er adam jáne 1963, 1991 jyldary týylǵan áıel adamdar jáne Aqsý qalasynda turatyn 1992 jylǵy áıel.
10 adamnyń 9-y koronovırýs ınfektsııasyn juqtyrǵan adammen yqtımal qarym-qatynasta bolǵan. Pavlodardyń 1963 jylǵy turǵyny aldyn ala pnevmonııa dıagnozymen túsken, 24.04.2020 j. onyń koronavırýsty juqtyrǵany belgili boldy.
Shyǵys Qazaqstan oblysynda koronavırýs ınfektsııasy 1965 jylǵy er adamda anyqtaldy. Glýbokoe aýdanynyń turǵyny 22 sáýirde Reseı Federatsııasynan oralǵan. Bir kúnnen keıin aýrýdyń alǵashqy belgileri, dene qyzýynyń kóterilýi men álsizdik paıda bolǵan. Dereý provızorlyq statsıonarǵa oqshaýlanyp, PTR ádisimen COVID-19-ǵa taldaý alyndy. Osylaısha, onyń koronavırýsty juqtyrǵany anyqtaldy.
