Koronavırýs juqtyrǵan naýqastar «jasaryp» keledi – Sáýle Atyǵaeva
«30 maýsymdaǵy jaǵdaı boıynsha pandemııa bastalǵannan beri Nur-Sultan qalasynda 64 723 koronavırýs ınfektsııasynyń jaǵdaıy tirkeldi. 678 jańa jaǵdaı tirkelip otyr. Statsıonarlardyń daıyndyǵyna kelsek, 2001 tósegi bar 14 statsıonar jumyldyrylyp otyr. Infektsııalyq statsıonarlardyń júktelimi sońǵy bir aıda aıtarlyqtaı ósip, 75 paıyzǵa jetti. Koronavırýs ınfektsııasy rastalǵan dıagnozben 1340 patsıent jatyr. Reanımatsııa bólimshelerinde 119 emdelýshi em alýda. Onyń ishinde 23 emdelýshi asa aýyr jaǵdaıda bolǵandyqtan, jasandy ókpe jeldetkishine jalǵandy. 3750 naýqas ambýlatorııalyq baqylaýǵa alyndy», - dedi oratlyq dırektorynyń orynbasary.
Kópbeıindi medıtsınalyq ortalyq ókili sońǵy 5 aıdaǵy epıdemıologııalyq statıstıkaǵa taldaý jasaǵandaryn aıtady.
«5 aı ishinde ambýlatorııalyq rejımde 30 myńnan astam adam emdeldi. Osynyń arqasynda ınfektsııalyq statsıonarlardyń júktelimin birqalypty ustap tura aldyq. Búginge deıin solaı bolyp keldi. Vırýs ınfektsııasynyń «jasarǵanyn» kórip otyrmyz. Sońǵy 5 aı men maýsymnyń 25 kúnindegi syrqattaný derekterin taldaı otyryp, sáýir aıymen salystyrǵanda neǵurlym jas adamdardyń aýrýhanaǵa túsip jatqanyn ańǵardyq. 30-40 jas aralyǵyndaǵy adamdar statsıonarǵa jıi túsetin boldy», - dedi Sáýle Atyǵaeva.
Onyń aıtýynsha, sáýirmen salystyrǵannyń ózinde maýsymda reanımatsııaǵa túskenderdiń jasy bir aıǵy kórsetkishten 10 jasqa kishi bolyp shyqqan. Osynyń áserinen reanımatsııalyq tósekterdiń júktelimi 65 paıyzǵa deıin artqan.
«Búginde qaıǵyly jaǵdaılardyń sáýir aıyna qaraǵanda 5 jylǵa «jasarǵanyn» kórip otyrmyz. ıAǵnı qorytyndylasaq, qazir koronavıýrs ınfektsııasynyń klınıkalyq aǵysy ózgeriske ushyrap jatyr deýge bolady. Ókpeniń zaqymdalýy da burynǵydan jyldam qarqynmen júretinin baıqap otyrmyz. Kopıýterlik tomagrafııaǵa túsken kezde 5-10 paıyz zaqymmen túsken patsıentterde 3-4 kúnniń ishinde emdik sharalarǵa qaramastan 60-70 paıyz zaqymdalý kezdesip jatyr», - dedi maman.
Sondaı-aq, ol ókpeniń zaqymdalýynan bólek, mı men júrektiń, búırek pen asqazan-ishek júıesiniń, býyndar men júıke júıesiniń zaqymdalýy sııaqty sındromdar da jıilegenin atady.
«Estýden qalý sındromdary kezdesip jatyr. Osynyń bárinen qorǵanýdyń eń tıimdi ári jalǵyz joly vaktsınatsııa degen qorytyndyǵa kelýge bolady», - dedi sarapshy.
