Koronavırýs juqtyrǵan medqyzmetkerlerge ótemaqy tóleý tártibi túsindirildi
ALMATY. QazAqparat – Almatyda koronavırýs juqtyrǵan medıtsına qyzmetkerlerine ótemaqy tóleý tártibi túsindirildi, dep habarlaıdy QazAqparat tilshisi.
«Koronavırýs juqtyrǵan dárigerlerge 2 mln teńge kóleminde ótemaqy tólenýi tıis. Qazir aýrýhanada epıdemıologııalyq tekserý júrgizilip jatyr. QR DSM mamandarynan qurylǵan komıssııa óz qorytyndysyn shyǵarǵannan keıin bul ótemaqy tólenetin bolady», - dedi Qoǵamdyq densaýlyq saqtaý basqarmasynyń basshysy Tileýhan Ábildaev.
Aıta ketsek, Almatyda 17 sáýirde koronavırýs juqtyrǵandardyń sany 461-ge jetti.
Búgin tirkelgen adamdardyń ishinde bir 16 jastaǵy jasóspirim bar.
Naýqastar ishinde Ortalyq qalalyq klınıkalyq aýrýhananyń 10 medıtsına qyzmetkeri, osy statsıonardyń eki patsıenti, medıtsınalyq jedel járdem qyzmetiniń 1 jumyskeri, №7 Qalalyq klınıkalyq aýrýhananyń 2 qyzmetkeri, №12 Qalalyq emhananyń 2 qyzmetkeri, Almaty kópbeıindik klınıkalyq aýrýhanasynyń eki qyzmetkeri jáne oqshaýlaý aımaǵyndaǵy vırýsy bar adammen baılanysta bolǵan 44 adam anyqtaldy.
Búgingi kúni megapolıstiń juqpaly aýrýlar statsıonarlarynda Almaty oblysynan naýqas áıeldi esepke ala otyryp, 392 adam koronavırýstyq ınfektsııadan emdelip jatyr.
Bir patsıenttiń jaǵdaıy óte aýyr, 4-ýiniń jaǵdaıy aýyr, 92 adamda (olardyń ishinde oblystan da patsıentter bar) – ortasha dárejede bolsa, 295 adamnyń jaǵdaıy qanaǵattanarlyq.
Qazir Almatyda Sovid-19 dıagnozy 234 medıtsına qyzmetkerine qoıylǵan.
Onyń ishinde Ortalyq qalalyq aýrýhananyń 193, Balalar qalalyq klınıkalyq juqpaly aýrýlar aýrýhanasynyń 31, №7 Qalalyq klınıkalyq aýrýhananyń 2, Medıtsınalyq jedel járdem qyzmetiniń 3, №12 Qalalyq emhananyń 3 medıtsına qyzmetkeri jáne №11 men №32 Qalalyq emhanalardyń bir-birden qyzmetkeri aýyrý juqtyrǵany belgile boldy.
