Koronavırýs juqtyrǵan qazaqstandyqtardyń 94 paıyzy jazylyp shyqty

NUR-SULTAN. QazAqparat – QR Densaýlyq saqtaý mınıstrliginiń resmı ókili Baǵdat Qojahmetov koronavırýs juqtyrý boıynsha statıstıkalyq derekterdi keltirdi, dep habarlaıdy QazAqparat.

«11 qyrkúıektegi málimet boıynsha elimizde COVID-19-ǵa shaldyqqandardyń jalpy sany 106 661-ge jetti. Onyń ishinde jazylyp shyǵý kórsetkishi 94,1 paıyzdy qurady nemese 100 409 adamǵa jetti. Sońǵy bir táýlikte 161 adam indetten aıyqty. Qaıtys bolǵandardyń jalpy sany 1 656-ǵa jetti», - dedi resmı ókil búgin Ortalyq kommýnıkatsııalar qyzmetinde ótken brıfıngte.

Qazirgi ýaqytta 4 596 adam em qabyldaýdy jalǵastyrýda, onyń ishinde 34 bala bar.

Sońǵy bir táýlikte elimizdi COVID-19-dy 77 adam juqtyrǵan.

«Koronavırýsqa uqsas belgileri bar, biraq PTR synaǵynyń nátıjesi teris shyqqan 28 928 jaǵdaı tirkeldi. Onyń ishinde 6 642 naýqas emdelip shyqty. Sońǵy bir táýlikte 353 naýqas tirkeldi. PTR synaǵy teris bolǵan adamdar arasynda 318 adam qaıtys boldy», - dedi Baǵdat Qojahmetov.