Koronavırýs juqtyrǵan Qazaqstan azamattarymen bir bortta bolǵan 85 adam karantınge jatqyzylady
«Atalǵan azamattar Almaty qalasyndaǵy ınfektsııalyq statsıonarda jatyr. Budan buryn aıtqanymyzdaı, elimizde koronavırýs tirkelgen jaǵdaıda Úkimet janyndaǵy vedomstvoaralyq komıssııa tıisti is-sharalar josparyn bekitken edi. «B» jospary búgin kúshine endi. Birinshi patsıent 9 naýryzda, ekinshisi 12 naýryzda kelgen. Olardyń kim ekenin jarııalaı almaımyz. Bir er adam men bir áıel. Ekeýi de Qazaqstanǵa ushaqpen ushyp kelgen. Bortta koronavırýsty juqtyrǵandarmen birge bolǵandardyń bári de karantınge jatqyzylady. ıAǵnı, 9 naýryzda birge ushqan 73 adamnyń kim ekeni anyqtaldy. Olar baqylaýda. Qaıda ekenin bilemiz. Karantınge jatqyzý sharalaryna kiristik. Olar aýrý adamdar emes», - dedi E. Birtanov.
Sonymen qatar ol bortta eki qazaqstandyqpen ushyp kelgen jolaýshylardyń tizimi bar ekenin jetkizdi. 12 naýryzda kelgen ushaqtaǵy 12 azamat qazirgi tańda karantınde jatyr.
Eske sala ketsek , buǵan deıin Densaýlyq saqtaý mınıstri Eljan Birtanov Qazaqstannyń eki azamatynan koronavırýs ınfektsııasy tabylǵanyn málim etken edi.