Koronavırýs juqtyrǵan qaraǵandylyqtar Mınskiden ushyp kelgen
«Elimizde koronavırýs indetin juqtyrǵan taǵy bes adam anyqtaldy. Onyń ekeýi Qaraǵandy qalasynda, 1971 jáne 1972 jyly týǵan Qazaqstan azamattary. Ekeýi de №0324 Mınsk-Qaraǵandy reısimen ushyp kelgen bolatyn. Sol sııaqty, Almaty qalasy boıynsha úsh adam tirkelip otyr. Olar 1979 jylǵy áıel adam. Bizge Berlın qalasynan ushyp keldi. Ekinshi azamat 1997 jylǵy er adam, Frantsııadan ushyp keldi. Sońǵysy 1982 jylǵy áıel adam. Barlyǵynyń densaýlyqtary jaqsy» , - dep habarlady Densaýlyq saqtaý mınıstrliginiń resmı ókili Dıas Ahmetshárip.
Onyń aıtýynsha, Qazaqstanda qaýipti indetti juqtyrǵandar sany 49 boldy. Onyń ishinde Almatyda - 22, Nur-Sultanda - 25 jáne Qaraǵandyda - 2 jaǵdaı tirkelgen.
Eske sala ketsek, buǵan deıin Qaraǵandyda 2 adam koronavırýs juqtyrǵanyn habarlaǵan edik.