Koronavırýs juqtyrǵan áıel statsıonarda deni saý sábıdi dúnıege ákeldi
KÓKShETAÝ. QazAqparat – Aqmola oblystyq týberkýlezge qarsy dınspanseriniń juqpaly aýrýlar statsıonarynda koronavırýs juqtyrǵan 31 jastaǵy júkti áıel deni saý balany dúnıege ákeldi. QazAqparat bul týraly oblystyq Densaýlyq saqtaý basqarmasyna silteme jasap habarlaıdy.
Vedomstvonyńáleýmettik jelidegi paraqshasynda jarııalanǵandaı, 31 jastaǵy áıel 13 mamyrda Tselınograd aýdanynyń Qosshy aýylynan koronavırýs dıagnozymen Aqmola oblystyq týberkýlezge qarsy dıspanserge jatqyzylǵan. 16 mamyrda salmaǵy 3100 gramm, boıy 52 sm náresteni bosandy. Sábı «taza aımaqqa» aýystyrylyp, COVID-19-ǵa ekspress jáne polımerazdy tizbek reaktsııasyna synama alyndy. Eki synamanyń da nátıjesi – teris.
«Áıel esh qıyndyqsyz bosandy. Shaqalaqtyń anasyn, týǵan-týystaryn jáne dárigerlerdi osynaý qýanyshtarymen quttyqtaımyn!», - deıdi dıspanserdiń bas dáriger Qasymjan Táshimetov.
Jańa bosanǵan kelinshekke aımaq basshysy Ermek Marjyqpaevtyń atynan gúl shoqtary tabys etildi.
